arte contemporaneo
den biblioteca
Arte Contemporaneo den Biblioteca ta un proyecto desaroya hunto cu cu Biblioteca Nacional Aruba. E proyecto ta consisti di un coleccion di buki y un serie di evento pa e comunidad Arubano.
​
E meta ta pa ofrece recursonan cu ta curasha y aporta na participacion cu arte visual contemporaneo, creando momentonan di encuentro nobo y un plataforma pa discusion y reflexion.
e coleccion di buki
E coleccion di buki di Plataforma ta un compilacion di literatura relevante tocante arte contemporaneo visual. E coleccion ta accesibel na e comunidad di Aruba via Biblioteca Nacional Aruba (Oranjestad). Miembronan adulto por fia 4 buki pa un luna y miembrecia ta valido pa un aña. Na e momentonan aki, 30 buki ya ta den kashi di buki nobo y mas lo wordo incorpora den e coleccion pronto.
​
E bukinan ta donacionan generoso di diferente organinisacion local y internacional manera:
​
Fundacion Eterno (Aruba)
Fundacion Gast (Aruba)
Manifesta Foundation (Amsterdam)
De Appel, Arts Center (Amsterdam)
programa publico
E coleccion lo wordo acompaña di un serie di eventonan cu ta consisti di presentacion, lectura, discusion y otro sorto di encuentro. E tema di cada evento lo wordo selecciona for di e topiconan den e coleccion di buki, creando asina un laso directo cu e recursonan pa un estudio mas extenso.
​
E eventonan lo ta gratis y lo tuma luga na biblioteca Nacional Aruba na Oranjestad. E programa publico ta wordo realisa cu e sosten di UNOCA.
PROXIMO EVENTO
partner di proyecto:
