plataformabigTHICK.png

art's education hub

Samuel Sarmiento-06969.jpg

Samuel Sarmiento, Sin título (danza de culebras), 2020, tecnica mixto riba tela (lienso), 210x165cm.

Danza de las culebras of E danza di e colebranan ta un obra di Sarmiento traha na su studio na Aruba. E colornan den e obra y movecion di e cuashi ta haci referencia na e naturalesa of paisahe na Aruba: e tononan aqua di e lama cu ta rondona e tera seco (oro) y e movecion inkieto di e paisahe di desierto. Tambe e ta haci referencia na e diosnan di naturaleza den diferente culturanan.

Sin_ti%C3%8C%C2%81tulo_(Danza_de_culebra

E obra tin tres figura central den un danza alegre cu dos colebra diki, cu ta parce ta celebrando e triunfo di nan ultimo cena. 

Sin_ti%C3%8C%C2%81tulo_(Danza_de_culebra

E figura links, full na oranje, ta haci referencia na e diosanan relaciona cu naturalesa (humano). E por ta Hera, e diosa di e inframundo den e mitologia Griego, subiendo mundo mortal bailando y lagando atras e dolor y e tristesa. E por ta Kali, e diosa Hindu cu, mescos cu naturalesa, tin su banda destructivo como tambe generoso.

Samuel Sarmiento-06993.jpg

E figura mas grandi, esun na blauw memey, ta gaña nos. E ta sconde su cara pa nos tras di un mascarada cu un expresion trankilo. Kico e ta sconde su tras nos no sa. Pero e tonalidad scur na su nek y su capa, e paña transparente y e saya colorido y alegre ta crea ambiguidad. 

Sin_ti%C3%8C%C2%81tulo_(Danza_de_culebra

E ultimo figura ta un bailarin anonimo. Cu elegancia e ta baila cu su acompañante, e colebra riba dje. E ta parce ta disolve cu su entorno mientras e ta baila na un ritmo cu nos no por tende pero porta si sinti. Su paña ta contrasta den color cu e colebra pero ta imita e formanan di su cuero.

Texto Educativo y Diseño: Ana Maria Hernandez

 © 2020 Plataforma Aruba - Rights Reserved