PROGRAMA PILOTO NA E CENTRO ORTOPEDAGOGICO ARUBA
E Programa Piloto na OC tabata un proyecto artistico y educacional unda nos a desaroya un 'module' artistico pa un grupo di hoben (mucha muhe entre 13-18 aña) residente na e Centro Ortopedagogico di Aruba (OC). E meta di e proyecto tabata pa ofrece e grupo perspectivanan nobo riba nan experiencia y circunstancianan door di encuentro cu arte.
Estudionan ta demostra cu e introduccion di programanan cu un base artistico ta promove interaccionnan social positivo, empatia, comunicacion y habilidadnan pa resolve conflicto. Na un nivel individual, nan ta stimula un definicion di identidad sano, balor propio, como tambe un proposito di bida y vision pa futuro.
E Programa Piloto na OC a tuma luga entre juni cu december di 2019 y a consisti di tres fase: investigacion, desaroyo y implementacion di e module. E team pa e proyecto a wordo forma door di Carmen Romney (coordinador di programa na OC), Jenifer Arrindell (guia na OC), Vivian Croes (guia na OC), Renata Cervetto (curador y profesional den e area di arte y educacion), Osaira Muyale (artista visual local), Glenda Heyliger (artista visual local) y Ana Maria Hernandez (historiado di arte y fundado di Plataforma Aruba).
FASE DI INVESTIGACION
(JUNI 2019)
Den e encuentronan durante e fase di investigacion e team a desaroya e structura pa e programa artistico educativo na e centro. Nos a invita curador independiente Renata Cervetto pa comparti mas tocante e balor di educacion artistico den programanan social. Durante e encuentronan aki, e team a intercambia conocemento y experiencianan den e areanan di educacion artistico y labor social.
FASE DI DESAROYO DI E MODULE
(JULI-AUGUSTUS 2019)
E segundo fase di e proyecto tabata e desaroyo colaborativo y planning di e module pa e grupo di hoben. Artistanan Glenda Heyliger y Osaira Muyale a yuda planea un serie di 6 actividad rond di un tema relevante y familiar. E actividadnan a introduci e grupo di hoben na e practica di arte visual y a promove reflexion riba nan experiencianan door di un 'lens artistico.'
INICIO DI E MODULE
(SEPTEMBER-AUGUST 2019)
E actividadnan di e module a encera bishitanan na studio di artistanan local, guided tours di exhibicionan, y ehercicionan reflexivo pa stimula e desaroyo di habilidadnan cognitivo. E module a finalisa cu workshops cu e artistanan, unda e grupo di hoben a traha nan mesun obranan. E obranan ta forma parti di nos nos exhibicion online LAF/BORING.
PROJECT PARTNER:
