KEN NOS TA

Plataforma Aruba ta un organisacion non-profit cu ta desaroya actividad y proyectonan pa e comunidad Arubano, combinando arte visual contemporaneo y enseñansa.​ Nos a wordo funda na 2019 door di historiador di arte y gestor cultural Ana Maria Hernández cu e meta pa contribui na un infrastructura solido pa arte visual na e isla.

 

Nos mision ta pa crea experiencianan unda nos ta aporta na e comprendemento di arte visual contemporaneo, contribui na e profesionalisacion di e sector local y preserva Aruba su herencia cultural contemporaneo door di e documentacion, produccion y presentacion di material reflexivo y academico.

Nos proyectonan ta basa riba

colaboracionnan cu artistanan local, organisacionan cultural y instancianan local y nos netwerk profesional internacional.

 

KICO TA ARTE VISUAL CONTEMPORANEO?

Arte visual contemporaneo ta un disciplina artistico cu ta expresa y materialisa e pensamento, esencia y realidad di nos comunidad actual.  

Artistanan contemporaneo ta haci uso di diferente forma di expresion, entre otro pintura, escultura, performance art y installation art.

 

Nan obranan di arte ta brinda nos, entre otro, e oportunidad di descubri perspectivanan nobo den nos comunidad y den nos cultura.

 

 

PAKICO ARTE Y ENSEÑANSA?

Arte ta un vehiculo cu por comunica  idea y conceptonan cu tin biaha ta dificil di expresa cu palabra. 

 

Compara cu e metodologianan tradicional di enseñansa cu ta basa riba evaluacion standarisa, educacion di arte y via arte ta brinda e oportunidad pa trece un enfoke mas inclusivo, integral, amplio y relevante pa e comunidad.

 

KICO TA MEDIACION DI ARTE?

Mediacion di arte ta un termino cu ta referi na un serie di accionan cu ta stimula un relacion activo entre arte y e audiencia. Mediacion di arte por tuma diferente forma, entre otro tours den un exhibicion, workshops, of 'think tanks' (sesionnan di grupo una ideanan ta wordo intercambia).

Mediacion di arte tin manera doel e intercambio di conocemento pa asina ofrece un comprendemento mas amplio di un obra di arte, su produccion y e artista cu a crea esaki. Un otro obhetivo ta pa expone e relacion entre arte visual y nos diferente realidadnan. Esaki por ta na nivel collectivo como tambe individual. Por ultimo, mediacion di arte tambe por stimula dialogo y intercambio di ideanan entre arte y su audiencia, como tambe entre e audiencia mes.

 

Mediacion di arte ta un componente crucial den educacion di arte y ta importante pa un relacion sano cu arte.

 © 2020 Plataforma Aruba - Rights Reserved

plataformabigTHICK.png